17:45 / 21.06.2020
5554
Yashnobod tumanida Abdulla Qodiriy ko‘chasidan KXAYga o‘tish yo‘li ochildi

Toshkent shahrining Yashnobod tumanida, Abdulla Qodiriy ko‘chasidan Kichik xalqa avtomobil yo‘liga o‘tish yo‘li ochildi.

Foto: Toshkent shahar IIBB

«Qo‘shimcha qulayliklar yaratish maqsadida, Toshkent shahar IIBB YHXB tashabbusi bilan poytaxt hokimiyati bilan hamkorlikda Abdulla Qodiriy ko‘chasidan Kichik xalqa avtomobil yo‘liga o‘tish yo‘lini ochish bo‘yicha ishlar olib borildi», – deyiladi boshqarma xabarida.

Bundan oldin, 10 iyun kuni shahar hokimligi Abdulla Qodiriy ko‘chasidan Mahtumquli ko‘chasiga («eski TashMI» oldiga) olib chiquvchi qo‘shimcha yo‘l ta'mirlash ishlari olib borilishi sababli 13 iyungacha yopilishini ma'lum qilgan edi.

10 iyunda yo‘lning shu qismi ta'mirlash maqsadida 3 kunga yopilgan edi.
Top