13:23 / 05.08.2020
32195
Toshkentda 3 ballik zilzila kuzatildi

5 avgust, chorshanba kuni Toshkent vaqti bilan soat 13:18da Tojikiston hududida kuchli zilzila yuz berdi. O‘zbekiston poytaxtida 3 ballik yer osti silkinishi sezilgan.

Favqulodda vaziyatlar vazirligi Respublika seysmoprognostik monitoring markazi xabariga ko‘ra, zilzila koordinatalari:  40,2 gradus shimoliy kenglik; 70,84 gradus sharqiy uzunlik. Toshkentgacha masofa 181 kilometr janubiy-sharqiy yo‘nalishda joylashgan bo‘lib, magnituda – 5, chuqurlik – 10 kilometr.

Zilzila O‘zbekistonning deyarli barcha hududlarida qayd etilgan:

  • Toshkent: 181 km, 3 ball.
  • Namangan: 113 km, 4 ball.
  • Andijon: 143 km, 3 ball.
  • Farg‘ona: 83 km, 4 ball.
  • Guliston: 177 km, 3 ball.
  • Jizzax: 255 km, 3 ball.
  • Samarqand : 336 km, 2 ball.
  • Termiz: 453 km, 2 ball.
  • Qarshi: 458 km, 2 ball.
  • Navoiy: 464 km, 2 ball.

Eslatib o‘tamiz, 14 iyul kuni Afg‘onistonda, 16 iyul kuni Tojikistonda yuz bergan 4,7 va 4,2 balli zilzilalar kuchi O‘zbekistonning qator viloyatlarida sezilgandi.

Top