09:42 / 17.10.2020
31941
Erdo‘g‘an Turkiya Qrimni Rossiya hududi sifatida tan olmasligini aytdi

Turkiya prezidenti Rajab Toyyib Erdo‘g‘an Anqara Qrimni Rossiya hududi sifatida tan olmasligini va Ukrainaning hududiy yaxlitligini qo‘llab-quvvatlashini aytdi.

Foto: Anadolu Agency

Erdo‘g‘an Turkiyaga tashrif buyurgan Ukraina prezidenti Vladimir Zelenskiy bilan qo‘shma matbuot anjumanida shunday bayonot bergan.

“Turkiya Ukrainani mintaqamiz barqarorligi va xavfsizligini ta'minlash nuqtai nazaridan asosiy mamlakat deb biladi. Shuning uchun biz doimo Ukrainaning hududiy yaxlitligi va suverenitetini qo‘llab-quvvatlaymiz”, deya ta'kidlagan Erdo‘g‘an.

Turkiya rahbarining qo‘shimcha qilishicha, Anqara yarimorolning “qo‘shib olinishini” tan olmaydi va Ukraina bilan birgalikda “Qrim tatarlarini qo‘llab-quvvatlaydi”. 

O‘z navbatida, Zelenskiy Erdo‘g‘anga yarimorolni Ukrainaga qaytarishga qaratilgan Qrim platformasi loyihasida ishtirok etishga tayyorligi uchun minnatdorlik bildirgan.

Top