16:55 / 11.05.2021
9551
AQSh kemasi Eron kemalariga ogohlantiruvchi o‘q uzdi

Ma'lumot berilishicha, AQSh kemalari bir oy ichida ikkinchi marta Eron kemalariga ogohlantiruvchi o‘q uzmoqda.

Foto: Global Look Press/US Navy

AQSh sohil qo‘riqlash kemasi Hurmuz bo‘g‘ozida Eron harbiy-dengiz flotining 13ta kemasi AQSh harbiy-dengiz kuchlari kemalariga yaqinlashganidan so‘ng 30 martaga yaqin ogohlantiruvchi o‘q uzdi.

Pentagon vakili Jon Kerbining aytishicha, Eron tezyurar katerlari AQShning olti harbiy kemasiga 140 metr masofagacha yaqinlashganidan so‘ng ogohlantiruvchi o‘qlar uzilgan.

Ma'lumot berilishicha, AQSh kemalari bir oy ichida ikkinchi marta Eron kemalariga ogohlantiruvchi o‘q uzmoqda.

Aprelda Amerika harbiy kemasi Eronning uchta kemasi unga yaqinlashganidan so‘ng ogohlantiruvchi o‘q uzgandi.

Hurmuz bo‘g‘ozi Fors ko‘rfazini Hind okeani, Eron, BAA va Ummon bilan bog‘laydi. U jahon savdosi uchun muhim ahamiyatga ega.

Top