12:04 / 13.10.2021
5075
Ta'limga qancha pul kerak bo‘lsa ayamaymiz – Shavkat Mirziyoyev

Navoiy konchilik instituti negizida qariyb 15 ming talabani o‘qitadigan Politexnika universiteti tashkil etilishi haqida ma'lum qilgan Shavkat Mirziyoyev xorijiy oliy ta'lim maskanlari bilan hamkorlik zarurligi haqida ham gapirdi.

Foto: Milliy mass-media fondi

“Yangi O‘zbekiston” universitetiga Germaniyadan rektor kelib ishlayapti. Quvondiq Sanaqulovich, siz o‘zingiz fan doktorisiz, injyener-metallurgsiz. Xorijda ham hamkorlaringiz ko‘p. Ularga taklif bilan chiqing, eng yetakchi xorijiy oliygohlar bilan hamkorlikda Navoiyda institutlar ochinglar. Shunday institutlar bo‘lsinki, kerak bo‘lsa Toshkentdan yoshlar kelib o‘qisin. 

Menga bu borada taklif bilan chiqsangiz to‘liq qo‘llab-quvvatlayman. Ta'limga qancha pul kerak bo‘lsa ayamaymiz. Hozir Jahon banki bunday loyihalarimizni yaxshi qabul qiladi, “O‘zbekiston uchun kerak bo‘lsa 5 mlrd dollar beramiz”, deyapti. Chunki ular bizga ishonadi”, – dedi prezidentlikka nomzod.

Top