Таълимга қанча пул керак бўлса аямаймиз – Шавкат Мирзиёев

Навоий кончилик институти негизида қарийб 15 минг талабани ўқитадиган Политехника университети ташкил этилиши ҳақида маълум қилган Шавкат Мирзиёев хорижий олий таълим масканлари билан ҳамкорлик зарурлиги ҳақида ҳам гапирди.

Фото: Миллий масс-медиа фонди

“Янги Ўзбекистон” университетига Германиядан ректор келиб ишлаяпти. Қувондиқ Санақулович, сиз ўзингиз фан докторисиз, инженер-металлургсиз. Хорижда ҳам ҳамкорларингиз кўп. Уларга таклиф билан чиқинг, энг етакчи хорижий олийгоҳлар билан ҳамкорликда Навоийда институтлар очинглар. Шундай институтлар бўлсинки, керак бўлса Тошкентдан ёшлар келиб ўқисин.

Менга бу борада таклиф билан чиқсангиз тўлиқ қўллаб-қувватлайман. Таълимга қанча пул керак бўлса аямаймиз. Ҳозир Жаҳон банки бундай лойиҳаларимизни яхши қабул қилади, “Ўзбекистон учун керак бўлса 5 млрд доллар берамиз”, деяпти. Чунки улар бизга ишонади”, – деди президентликка номзод.

Тайёрлаган: Аброр Зоҳидов

#Навоий #Шавкат Мирзиёев