Foto: O‘zbekiston boks federatsiyasi
Serbiyada davom etayotgan boks bo‘yicha jahon chempionatida Nodirjon Mirzahmedov chorakfinal jangini o‘tkazdi.
-48 kg vaznli bokschimiz jahon chempionati chorakfinalida qozog‘istonlik Temirtas Jussupovga qarshi jang o‘tkazdi va imkoniyatni boy berib qo‘ydi (0:5).
Natijada, O‘zbekiston milliy jamoasi turnirdagi dastlabki medalni naqd qilish imkoniyatini qo‘ldan chiqardi.
Nodirjon Mirzahmedov avvalgi bosqichda irlandiyalik Rikki Nesbitt ustidan g‘alaba qozongan edi.
Ma'lumot uchun, bugun, 2 noyabr kuni yana 5 nafar o‘zbekistonlik bokschi ringga ko‘tariladi:
- -60 kg: Abdumalik Halokov - Vsevolod Shumko (Rossiya) (17:50 dan so‘ng)
- -75 kg: Saidjamshid Jafarov - Viparon Jongjoxo (Tailand) (19:15 dan so‘ng)
- +92 kg: Lazizbek Mullojonov - David Chaloyan (Armaniston) (20:15 dan so‘ng)
- -63,5 kg: Mujibillo Tursunov - Endi Kruz (Kuba) (22:55 dan so‘ng)
- -92 kg: Madiyar Saidrahimov - Lyuis Uilyams (Angliya) (00:40 dan so‘ng).
