Украиналик учувчи, миллат қаҳрамони Надежда Савченко Қримни қайтариш учун "Учинчи жаҳон урушини бошлашга тўғри келиши" ҳақида айтди. У Украинага қайтиши муносабати билан ташкил қилинган матбуот анжумани вақтида шу ҳақда гапирган.
Бундан олдинроқ у агар зарурат туғилса, Украинага президентлик қилишга тайёрлигини маълум қилганди.
Эслатиб ўтамиз, 25 май куни Савченко қарийб 2 йиллик асирликдан кейин Россиядан қайтиб келди. У Украинадаги россиялик ҳарбий асирлар Евгений Ерофеев ва Александр Александровга алмаштирилди.