Фото: Reuters
АҚШлик миллиардер, Республикачилар партияси номзоди Дональд Трамп АҚШнинг янги сайланган президенти сифатида ўзининг илк баёнотини берди, деб хабар қилмоқда CNN телеканали.
У, хусусан, демократлар ва республикачиларни бирлашишга чақирган. Трамп шунингдек, бошқа давлатлар билан ҳамкорлик қилишга ҳаракат қилишини билдирган.
Республикачилар партияси номзоди 288 нафар сайловчилар овозига эга бўлган. сайловда ғалаба қозониш учун 270та овоз кифоя қилар эди. Ҳиллари Клинтон 215та овоз билан кифояланган.
Амалдаги президент Барак Обаманинг ўрнини эгалловчи янги давлат раҳбари 2017 йил январида Оқ уйга кўчиб ўтади.
