Нью-Йорк мэри Билл Де Блазио, шунингдек, жаҳон кино ва мусиқа санъати юлдузлари – Шер, Алек Болдуин, Роберт Де Ниро, Марк Руффало АҚШнинг сайланган президенти Дональд Трампга қарши норозилик намойишига чиқишди.
Хабар қилинишича, Trump Tower осмонўпар биноси ёнида ўтказилган норозилик акциясига минглаб иштирокчилар йиғилган.
Сайланган президентга салбий муносабати билан машҳур бўлган таниқли актёр Алек Болдуин Трампни тақлид қилган.
— Мен совуқ ҳавода бунча узоқ вақт туриш қийинлигини айтмоқчиман. Мен бир жойга боришни хоҳламоқдаман, аммо чидаяпман, — деди у. Актёр “кейинчалик Россия консуллигига” боришини ҳам қўшимча қилиб ўтган.
Жаҳон киноси юлдузи Роберт Де Ниро эса ўз чиқишида Трампни АҚШ ва Нью-Йорк учун ёмон шахс деб билишини маълум қилди.
Маълумот учун, Трампнинг АҚШ президенти вазифасига тантанали киришиш маросими бугун, 20 январь куни бўлиб ўтади.
