Фото: Delfi
Пекин хорижий давлатларни Хитой ички ишларига аралашмасликка чақирди. Бу хитойлик ҳуқуқ ҳимоячиси, 2010 йилги Нобель тинчлик мукофоти лауреати Лю Сяобонинг ўлими туфайли юз берди.
Бу ҳақда ХХР ТИВ вакили Гэн Шуан маълум қилган, деб хабар бермоқда РИА «Новости».
«Хитой – ҳуқуқий давлат. Лю Сяобо иши эса Хитойнинг ички ишлари сирасига киради. Бошқа хорижий давлатларнинг масъулиятсиз баёнотлар беришга ҳақи йўқ. Биз тегишли мамлакатларни Хитой ҳуқуқий суверенитетини ҳурмат қилиш ҳамда алоҳида индивидуал ҳолат баҳонасида мамлакат ички ишларига аралашмасликка чақирамиз», - дея таъкидлаб ўтди у.
Аввалроқ Трамп Лю Сяобо ҳаётдан кўз юмганидан “чуқур қайғуда” экани хабар қилинганди.
