Фото: Reuters
АҚШ миллий архиви АҚШнинг 35-президенти Жон Кеннедининг ўлдирилиши билан боғлиқ Федерал қидирувлар бюросининг яна 10744 та ҳужжатини эълон қилди. Бу ҳақда 17 ноябрда Wbay маълум қилди. Ҳужжатлар мазмуни ҳақида маълумот берилмаган.
Таъкидланишича, 8,3 мингдан кўпроқ ҳужжат тўлиқ ҳолда, 2,4 минги эса матни таҳрирланган ҳолда берилган.
Бу Кеннедининг ўлдирилиши билан боғлиқ ҳужжатларнинг бешинчи эълон қилинишидир. Аввалроқ миллий архив томондан 20,5 мингдан кўпроқ ҳужжат эълон қилинганди.
Кеннеди АҚШни 2,5 йил бошқарган ва 1963 йил 22 ноябрда Далласда отиб ўлдирилган. Расмий версияга кўра, Кеннедини Ли Харви Освальд исмли шахс якка ўзи ўлдирган. Бироқ президентнинг ўлими борасида ҳали ҳам турли тахминлар билдирилади.
