Фото: AFP
Халқаро автомобиль федерацияси (FIA) ўзининг шон-шуҳрат залини очди ва унга “Формула-1” пойгаларининг барча ғолиблари номларини киритди.
FIA’нинг Шон-шуҳрат зали очилиши 4 декабрда Парижда, федерациянинг бош қароргоҳида бўлиб ўтди. Маросимда “Формула-1”нинг 33 нафар чемпионидан 9 нафари иштирок этди, булар: Жеки Стюарт, Марио Андретти, Ален Прост, Найжел Мэнселл, Деймон Хилл, Жак Вильнев, Фернандо Алонсо, Себастьян Феттель ва Нико Росберг.
FIA раҳбари Жан Тодтнинг айтишича, “Формула-1” чемпионларининг Шон-шуҳрат залига киритилиши биринчи қадам ҳисобланади. Кейинги йилда ушбу залга раллиларнинг барча чемпионлари, икки йилдан кейин эса бардошлик пойгаларининг чемпионлари номлари киритилади.
