Қўшимча функционаллар
-
Тунги кўриниш
Тошкентда кучли таъсир қилувчи дорилар муомалага киритилишининг олди олинди
Тошкентнинг Яккасарой, Чилонзор ҳамда Яшнобод туманларида кучли таъсир қилувчи дори воситалари муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Фото: Иқтисодий жиноятларга қарши курашиш департаменти
Департаментнинг Яккасарой туман бўлими томонидан ўтказилган тезкор тадбирда “А.Р.” МЧЖга қарашли дорихона сотувчиси С.Б фуқаро М.Ш.га таркибида кучли таъсир қилувчи моддаси бўлган 180 дона дори воситасини 4 млн сўмга сотган вақтида ашёвий далиллар билан ушланган.
Департаментнинг Чилонзор туман бўлими томонидан ўтказилган тезкор тадбирда дори воситалари савдоси билан шуғулланиб келган Ғ.Р. 14 дона “Галара” номли кучли таъсир қилувчи дори воситасини фуқаро Б.С.га 1 млн сўмга сотган вақтида ашёвий далиллар билан ушланган.
Шу каби департаментнинг Яшнобод туман бўлими томонидан ўтказилган тезкор тадбирда дори воситалари савдоси билан шуғулланиб келган фуқаролар С.А. ва А.К.нинг ёнидан 72 дона “Регапен” ва 71 дона “Тропикамид” номли кучли таъсир қилувчи дори воситалари ашёвий далил сифатида олинган.
Мазкур ҳолатлар юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
Мавзуга оид
18:02 / 21.12.2024
Лицензиясиз фаолият, сертификатсиз ўқитувчилар ва норози ота-оналар – “NEWTON ACADEMY” ўқув маркази ҳақида нималар маълум?
18:36 / 20.12.2024
Тошкентдаги электромобилларни қувватлаш станцияларини демонтаж қилиш буюрилди
13:54 / 19.12.2024
Пойтахт ИИББ Отабек Бакиров устидан жиноят иши қўзғатишни рад этди
23:26 / 18.12.2024