Қўшимча функционаллар
-
Тунги кўриниш
Мирзамаҳмудов: Аграр университетдаги ёнғинга қуёш панеллари сабаб бўлмаган
Энергетика вазири Жўрабек Мирзамаҳмудов Аграр университетдаги ёнғинга “томдаги қуёш панеллари сабаб” деган гап-сўзларни инкор этди: ҳодиса вақтида панеллар электр энергиясини ишлаб чиқармаётган, олов натижасида ёруғликдан кейинги генерация эса инвертор ёзувларида қайд этилгани билан исботланган.
Фото: Kun.uz
Жўрабек Мирзамаҳмудовнинг айтишича, аҳоли ўртасида қуёш панеллари хавфсизлигига оид асоссиз тарғиботлар учраб турибди. Унинг таъкидига кўра, Аграр университетдаги ёнғин бўйича “томдаги қуёш панеллари сабаб бўлган” деган миш-мишлар ҳам текширувларда тасдиқланмаган.
“Аслида ёнғин юзага келган пайтда қуёш панеллари ишламаётган, яъни электр энергиясини генерация қилмаётган бўлган. Аммо олов натижасида ёруғлик пайдо бўлганидан кейингина панелларда генерация кузатилган — буларнинг ҳаммаси инверторда қайд этилган. Биз тергов ва сўроқ жараёнида барча маълумотларни кўрсатганимиздан кейин, тушунишди”, — деди вазир.
Маълумот учун: 2024 йил 30 сентябр куни Аграр университети биносида рўй берган ёнғин 15 та экипаж жалб этилган ҳолда 2 соат давомида ўчирилган эди.
Мавзуга оид
18:36 / 15.12.2025
2026 йилда янги конлар ҳисобига газ қазиб олишдаги пасайишни тўхтатиш режалаштирилмоқда — Энергетика вазири
08:21 / 13.12.2025
«Авиасозлар» бозори ҳудудида ёнғин содир бўлди
12:09 / 12.12.2025
Фарғона водийсида «метан заправка»лар ўчиб қолса, кўчма контейнерлар орқали газ етказиб берилади – энергетика вазири
12:38 / 08.12.2025