Қўшимча функционаллар
-
Тунги кўриниш
Зеленский Аляскадаги учрашув натижаларини тан олмаслигини айтди
15 август куни АҚШ президенти Доналд Трамп ва Россия президенти Владимир Путин Аляскада учрашиши кутилмоқда.
Фото: Reuters
Украина Аляскада бўлиб ўтадиган АҚШ-Россия саммити қарорларини тан олмайди, деди Володимир Зеленский "Ёшлар шу ерда" форумида қилган чиқишида.
"Украинани Украинасиз муҳокама қилиш мумкин эмас ва буни ҳеч ким қабул қилмайди. Шу боис уларнинг учрашуви икки томон учун муҳим бўлиши мумкин, лекин бизнинг иштирокимизсиз улар Украина борасида ҳеч қандай қарор қабул қила олишмайди. АҚШ президенти буни тушунади ва ҳисобга олади деб умид қиламан", - деди у.
15 август куни АҚШ президенти Доналд Трамп ва Россия президенти Владимир Путин Аляскада учрашиши кутилмоқда.
Трамп бўлажак музокараларни «синов» деб атади, уларнинг мақсади Украинадаги можарони тугатиш, ҳал қилишнинг якуний босқичи эса Путин ва Украина президенти Володимир Зеленский ўртасидаги учрашувдир.
