Моуриньо Англияда кубок финалларида илк марта ютқазди

«Манчестер Юнайтед» 2017/18 йилги мавсум Англия Кубоги финалида «Челси»га ютқазди. «Уэмбли»да бўлиб ўтган учрашувда лондонликлар жамоаси Эден Азар пенальтидан урган гол эвазига 1:0 ҳисобида ғалаба қозонди.

Бу «қизил иблислар» жамоаси бош мураббийи Жозе Моуриньо ўз фаолиятида илк марта Англиядаги кубок ўйинларида финалда ютқазиши бўлди. Бунга қадар ушбу португалиялик мутахассис Англия кубоклари финалларида 5 марта финалга чиқиб, 5 марта ғалаба қозонганди. «МЮ» ўтган мавсумда Лига Кубогида ғалаба қозонганди, «Челси» Лига Кубогида 3 марта зафар қучган, бир марта Англия Кубогида ғалаба қозонилган.

Қолаверса бу Моуриньо учун қаторасига икки финални бой бериш бўлди. «МЮ» бунгача «Реал»га Европа Суперкубоги учун баҳсда ютқазганди.

2003/04 йилги мавсумда ҳам «Порту» раҳбарлигида Моуриньо Европа Суперкубогида «Милан»га ютқазганидан кейин (0:1), Португалия Кубоги финалида «Бенфика»дан мағлуб бўлганди (1:2).