Қишлоқ хўжалиги маҳсулотларини етиштиришда етакчи ҳудудлар маълум бўлди

Давлат статистика қўмитаси қишлоқ хўжалиги маҳсулотларини етиштиришда етакчи ҳудудлар тўғрисида маълумот берди.

Қайд этилишича, 2020 йилнинг 9 ойида Қашқадарёда энг кўп донли экинлар етиштирилган (790,2 минг тонна маҳсулот).

Билдирилишича, Самарқандда энг кўп сабзавотлар етиштирилган бўлса (1162,5 минг тонна), Сурхондарёда энг кўп полиз экинлари етиштирилган (195,7 минг тонна).

Шунингдек, Самарқандда энг кўп картошка етиштирилган (512,1 минг тонна), Андижонда энг кўп мева ва резаворлар етиштирилган (417,5 минг тонна).

Бундан ташқари, Самарқандда энг кўп узум (479,0 тонна), Қашқадарёда энг кўп гўшт (тирик вазнда - 221,4 минг тонна), Самарқандда энг кўп сут олинган (982,1 минг тонна).

Тошкент вилоятида энг кўп тухум олинган (987,2 миллион дона), Хоразмда энг кўп балиқ овланган (7 909 тонна).

Статқўм хабарига кўра, Самарқандда 1586,1 минг бош йирик шохли қорамол бор, Қашқадарёда 4583,4 минг бош қўй ва эчкилар бор, Тошкент вилоятида энг кўп – 51 105 бош отлар бор.

Тайёрлаган: Отабек Матназаров

#маҳсулот #статистика