Германияда 91 ёшли аёл Освенцимдаги қотилликларда айбланмоқда

Германия терговчилари 91 ёшли аёлни Освенцим концлагерида 260 минг кишининг ўлдирилишига алоқадорликда айбламоқда, деб хабар беради The Guardian нашри.

Шлезвиг-Гольштайн тергов идоралари вакили Хайнц Дойлелнинг баён қилишича, айбланувчи концлагерда 1944 йилнинг апрель-июль ойларида радиооператор бўлиб ишлаган.

У Аушвиц-Биркенау ўлим лагеридаги инсониятга қарши жиноятларда иштирок этганликда айбланмоқда. Суд ҳокимияти, унинг ёшига қарамай, аёл судда қатнаша олади деган хулосага келди.