Озода Нурсаидова Дилфуза Исмоиловани туҳматда айблади ва унга қонуний йўл билан жавоб қайтармоқчи

Озода Нурсаидова Дилфуза Исмоилованинг айбловига жавоб қайтарди.

Бундан олдинроқ, хонанда Дилфуза Исмоилова бир ресторанда рақсга тушаётган суратлари тарқалгани учун ҳамкасби Озода Нурсаидовани айблаган эди.

Дилфуза Исмоилова 14 йил аввал Озода Нурсаидованинг онаси таваллуди муносабати билан ўтказилган тадбирда иштирок этгани ва бу суратлар ўша тадбирнинг видеосидан «стоп кадр» қилиб олинганини айтганди. «Qalampir.uz» сайти бу вазият юзасидан Озода Нурсаидовага мурожаат қилган.

«14 йил аввал мен ҳеч қандай йиғин қилмаганман. Бу ҳақда гапираётган одам йилини аниқ билиб гапириши керак. Бу хабарни эшитгач, аввалига Дилфуза Исмоиловани қачондир бирор йиғинга таклиф қилганимни эслай олмадим. Онамнинг туғилган кунлари бундан 8 йил аввал, яъни 2008 йилда Тошкентдаги "Марракеш" ресторанида нишонланган эди. У маросимда мен қатнашмаганман. Ўша даврада олинган видео тасвирлар ҳам, фотосуратлар ҳам менда сақланиб қолмаган.

Менинг бировнинг суратини тарқатишдан бошқа ишим йўқми? Кейин хонанда Дилфуза Исмоилованинг суратларини атайлаб тарқатиш шарт эмас, у ҳамма тўйларда шундай рақсга тушади. Дилфуза Исмоилова менинг номимдан пиар сифатида фойдаланибди. Менимча, бу атайин уюштирилган реклама.

Мен ҳам номимдан фойдаланиб, ўзини реклама қилаётганларга қонуний чора кўраман», — деди Озода Нурсаидова.

Манбанинг эслатишича, ўтган йилнинг кузида Telegram, WhatsApp каби мессенжерларда хонанда Дилфуза Исмоилованинг ўз ўғли тўйидаги рақслари ва қудалари қаршисидаги «табриги» тасвирланган видеолар ҳам тарқалган эди.

Дилфуза Исмоилова ўз суратлари тарқалишида Озода Нурсаидовани айблади