Hyundai’нинг ҳашаматли суббренди BMW М4 автомобилига рақобатчи бўладиган купени чиқаради

Hyundai компанияси янги купе ишлаб чиқаришни бошлайди. Бу BMW М4 автомобилига рақобатчи бўлиши кутилмоқда.

Car and Driver нашрининг ёзишича, бу янги автомобил Hyundai маркасининг Genesis шоҳона суббренди остида ишлаб чиқарилади.

Бу машинани ишлаб чиқариш билан N Performance бўлими шуғулланади. Спорткар Genesis G70 моделининг икки эшикли модификацияси базасида қурилади, у «купе» кузови билан ҳам, седан кўринишида ҳам таклиф этилади. Тўрт эшикли модификация билан таъминланадиган моделнинг BMW M3 харидорлари эътиборига тушиши кутилмоқда.

Дастлабки маълумотларга кўра, G70 купеси ва седанига Genesis G90 седанида биринчи марта қўлланилган янги 3,3 литрли олти цилиндрли твин-турбо двигателининг кучайтирилган версияси ўрнатилади. Flagman моделида саккиз поғонали «автомат» билан мос тушувчи ушбу мотор 370 от кучини беради.

BMW M3 ва M4 автомобиллари 3 литрли 6 цилиндрли двигател, 431 от кучига эга. 4,1 сонияда 100 км тезликка эришади. Унинг максимал тезлиги соатига 250 км.