Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Спорт | 09:22 / 26.01.2016
    2832
    2 дақиқада ўқилади

    Андрей Шевченко Украина терма жамоаси мураббийлар штабида ишлайди

    Киевнинг "Динамо" ҳамда Миланнинг "Милан" жамоаларида ёрқин футболчилик фаолиятини ўтказган собиқ футболчи Андрей Шевченко Украина миллий терма жамоаси мураббийлар штабида иш бошлашга розилик билдирди. Бу ҳақда Мatchday.ua порталида хабар ёзилган.

    Манбанинг ёзишича, Шевченко Украина футбол федерациясидан ва бош мураббий Михаил Фоменкодан ўзаро ҳамкорлик бўйича таклиф олган.

    Фоменконинг федерация билан янги шартномасига мураббийлар штабида ўзгаришлар амалга оширилиши ҳақидаги банд бўлгани айтилган. Шевченкони таклиф этиш ғояси айнан Фоменкодан чиққан.

    39 ёшли Шевченконинг 2016 йилги Европа чемпионатида иштирок этадиган Украина терма жамоаси мураббийларидан бирига айлангани ҳақида яқин вақтлар ичида расман маълум қилинади.

    Шевченко айни вақтда Фоменконинг ёрдамчиси бўлган Александр Заваровнинг ўрнини эгаллаши кутилмоқда. Заваровнинг келажаги ҳақида маълумот йўқ.

    "Динамо", "Милан" ва "Челси" жамоаларининг собиқ ҳужумчиси бўлмиш Андрей Шевченко 2012 йилда, 35 ёшдалигида футболчилик фаолиятини якунлаганди. У 2014 йилда мураббийлик курсларини битирганди.

    Шевченко 2004 йилда "Олтин тўп" мукофотига эга чиққан.