Twitter фойдаланувчилари адашиб "Тахтлар ўйини" асари муаллифини "дафн қилишди"

9 март куни Twitter фойдаланувчилари исмлардаги ўхшашлик туфайли The Beatles гуруҳи продюсери Жорж Мартиннинг ўлими ҳақидаги хабар ўрнига "Тахтлар ўйини" фильмига асос бўлган «Муз ва олов қўшиғи» номли туркум романлари муаллифи ҳисобланадиган Жорж Мартиннинг ўлими ҳақида ёза бошлашди. Бу ҳақда New York Daily News нашри хабар тарқатган.

"Мен "Жорж Мартинга таъзия билдира бошлашгач, Жорж Р.Р. Мартин ўлди деб ўйлабман", дейди ижтимоий тармоқ фойдаланувчиларидан бири.

Saw RIP George Martin was trending and I thought it was George R.R. Martin who'd died... #GameofThrones #TheTriggering

— Alex Hamilton (@WAHamiltron) 9 Март 2016

Яна бир фойдаланувчи эса, "Жорж Мартин "Тахтлар ўйинининг кейинги қисмлари сценарийсини ёзмасдан ўлгани"га афсусларини билдирган.

"George Martin" is trending and my first thought was "damn he died and he didn't finish writing game of thrones"

— Gabe (@gabeharmonizer) 9 Март 2016

Бошқа бир фойдаланувчи бу адашув ёзувчи Мартиннинг ўлими ҳақида эшитган "Тахтлар ўйини" ишқибозларидан қанчаси юрак хуружига учраганига қизиқади.

How many Game Of Thrones fans almost had a heart attack when they saw George Martin died?

— LENIHANA (@lenroq) 9 Март 2016

Эслатиб ўтамиз, 9 март куни The Beatles гуруҳининг деярли барча пластинкалари устида ишлаган продюсери Жорж Мартин 90 ёшида вафот этди. Мартин The Beatles яратган тароналарни тижорий фойда олиш мақсадида баҳоламаган, балки уларни санъат асаридек кўрган. Уни гоҳида “бешинчи битл” деб ҳам аташган. Бундан ташқари, у гуруҳнинг бир қанча машҳур тароналарига бастакорлик ҳам қилган: Мисол учун, Yesterday қўшиғида струна квартетини ва A Day in the Life таронасида эса “апокалиптик” кулиминацияни Мартин аранжировка қилган.

The Beatles гуруҳи продюсери Жорж Мартин вафот этди

"Бешинчи битл" Энди Уайт оламдан ўтди