Францияда полиция тўғрисидаги қонунга қарши намойишлар тартибсизликларга айланиб кетди

Парижда полиция ходимларини фото ва видеога олганлик учун жиноий жавобгарликка тортиш тўғрисидаги қонунга қарши норозилик намойишлари бўлиб ўтмоқда. Намойишчилар ва полициячилар ўртасида тўқнашувлар бошланди, деб хабар бермоқда Le Parisien.

Акция бошланганидан бироз ўтиб, намойишчилар полиция ходимларига қарата шиша идишлар ва тошлар улоқтиришни бошлаб юборишган. Полиция бунга жавобан кўздан ёш оқизувчи газ қўллаган.

Норозилик намойишлари вақтида бир нечта автомобил ёқиб юборилган, дўконларнинг ойналарини синдириб, талашга уринишган.  

Nombreux incendies en cours à Paris en tête de cortège de la manif #StopLoiSecuriteGlobale pic.twitter.com/1R94qp3Esa

— Remy Buisine (@RemyBuisine) December 5, 2020

Мамлакат ички ишлар вазири Жералд Дарманен полиция 22 кишини ҳибсга олганлигини маълум қилди.

🔴Quelques tensions durant plusieurs minutes alors que le cortège commence à partir. Les forces de l’ordre reçoivent de nombreux projectiles. #StopLoiSecuriteGlobale #France #LoiSecuriteGlobale #Paris pic.twitter.com/UkrhmVkh25

— Charles Baudry (@CharlesBaudry) December 5, 2020

Францияда яқинда қабул қилинган глобал хавфсизлик тўғрисидаги қонунга кўра, полиция ходимларини иш вақтида суратга олиш тақиқланади. Бу жиноий жавобгарлик ва 45 минг евро миқдоридаги жарима жазосига сабаб бўлади.

Қайд этилишича, норозилик намойишлари Франциянинг 90та шаҳрида бўлиб ўтмоқда.

Полициянинг маълумот беришича, бир ҳафта аввал ўтказилган ана шундай намойишларда бутун мамлакат бўйлаб 133 минг киши қатнашган. Тартибсизликлар давомида 100га яқин полиция ва жандармерия ходимлари жароҳатланган.