“Тошкент – Бухоро – Тошкент” йўналишидаги Афросиёб поездларининг 3 кунлик рейслари бекор қилинди

Ноқулай об-ҳаво шароити сабабли “Тошкент – Бухоро – Тошкент” йўналишидаги Афросиёб поездларининг 13,14,15 январ кунги 3 та рейси бекор қилинди.

Фото: KUN.UZ

“Ўзбекистон темирйўллари” хабар беришича, йўловчилар Афросиёб поездининг ўрнига қуйидаги йўловчи поездлардан фойдаланиши мумкин:

12-сонли “Тошкент – Бухоро” “Шарқ”;
56-сонли “Тошкент – Бухоро – Хива”;
58-сонли “Тошкент – Бухоро – Шовот”;
72-сонли “Тошкент – Бухоро – Олот”;
125-сонли “Андижон – Тошкент – Бухоро – Хива”;

“Харид қилинган чипталарни темирйўл чиптахоналарида, электрон тарзда харид қилинган чипталарни эса chipta.railway.uz сайтида қайтаришингиз мумкин. Чипта 100% қийматда қайтарилади”, – дейилади расмий изоҳда.

Эслатиб ўтамиз, 13 январ куни Бухоро – Тошкент йўналишидаги Афросиёб поезди “Малик” станциясида тўхтаб қолганди. “Ўзтемирйўлйўловчи” бунга ноқулай об-ҳавони сабаб қилиб кўрсатганди.