Қўшимча функционаллар
-
Тунги кўриниш
Apple болалар учун смарт-соат чиқаради
Компания ўзининг энг ҳамёнбоп ақлли соати Apple Watch SE позициясини ўзгартириш ниятида.
Фото: Getty Images
Apple компанияси болалар учун мўлжалланган смарт (ақлли) соат чиқаришни режалаштирган. Бу ҳақда Bloomberg хабар берди.
Нашр шарҳловчиси Марк Гурман сўзларига кўра, компания ўзининг энг ҳамёнбоп ақлли соати Apple Watch SE позициясини ўзгартириш ниятида. Унинг фикрича, қурилманинг учинчи авлоди корпуси металл эмас, балки пластмасса бўлади. Компания шунингдек, қурилмани болалар учун ақлли соат сифатида реклама қилади.
Материалда айтилишича, пластмасса кўплаб Apple соатларида ишлатиладиган алюминийга қараганда емирилишга камроқ мойил. Шунингдек, янги аудиторияни жалб қилиш учун гаджет корпуси ёрқин рангларга бўялади.
Марк Гурманнинг таъкидлашича, янги материаллар ва позициянинг ўзгариши Apple Watch SE нархини 200 долларга ёки тахминан 2,5 млн сўмга пасайтиради. Apple Watch SE смартфонга уланган ҳолда ишлайди, лекин болалар версиясини ота-онанинг смартфони ёрдамида созлаш мумкин.
Apple Watch SE биринчи авлоди 2020 йилда тақдим этилган. Қурилма Apple Watch флагманига қараганда кучсизроқ чипга эга бўлди ва баъзи функцияларини йўқотди.
