«Реал» ва «Барселона» ёш футболчи учун рақобатлашмоқда. Мадрид таклифни оширди

«Реал» «Барселона» билан «Аякс» яримҳимоячиси Френки де Йонг учун рақобат қилади.

De Telegraaf нашри хабарига кўра, мадридликлар клуби ушбу 19 ёшли нидерланд учун 80 миллион евро тўлашга тайёр.

«Буни тасдиқлай олмайман, рад эта олмайман ҳам. Буни яхшиси Марк Овермарсдан сўранг, унда барча маълумотлар бор», – деган футболчининг агенти Али Дурсун.

Бундан аввалроқ, де Йонгга «Барселона» жиддий қизиқаётгани ҳақида хабарлар берилганди. Каталонлар клуби футболчини кейинги йил ёзида ўз сафига қўшиб олмоқчи, «Аякс» футболчи учун 75 миллион евро сўраган.