1 мартдан тақиқлов белгиси бўлмаган барча ҳудудларда фото ва видеога олиш мумкин бўлади

Фото: Pinterest

Президентнинг туризмни тезкор ривожлантиришга доир қўшимча чора-тадбирлар режасига кўра, 2019 йилнинг 1 мартидан эътиборан тақиқлов белгиси бўлмаган барча ҳудудларда фото ва видео олиш мумкин бўлади, дея хабар беради Kun.uz мухбири.

Ҳужжатга кўра, Ички ишлар вазирлиги Мудофаа вазирлиги, Ўзбекистон Республикаси Давлат хавфсизлик хизматининг Чегара қўшинлари, манфаатдор вазирлик ва идоралар билан биргаликда 2019 йилнинг 1 февралигача бўлган муддатда фото- ва видеосъёмка қилиш учун тақиқланувчи объектлар, жамоатчилик жойлари ва ҳудудлар рўйхатини тасдиқлайди.

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 2019 йилнинг 1 мартига қадар икки ва ундан ортиқ чет тилида (инглиз, рус ва б.) фото- ва видеосъёмка тақиқланишига доир тегишли кўрсаткичларни ўрнатиш вазифаси юклатилди.

Таъкидлаш жоизки, тақиқлов белгилари бўлмаган ҳолатларда бемалол фото ва видеога олиш мумкин бўлади.