АҚШ «Қрим декларацияси» номли ҳужжатни эълон қилди

АҚШ Давлат департаменти котиби Майк Помпео Қрим устидан Россиянинг суверенитетини тан олмаслигини билдирди. Бу ҳақда АҚШ ташқи сиёсат маҳкамаси эълон қилган «Қрим декларацияси»да шундай дейилади. 

Расмий ҳужжатда таъкидланишича, АҚШ Россиянинг Қрим устидан ҳукмронлигига чек қўйилишини талаб қилади. Шунингдек, Украина давлатининг ҳудудий яхлитлигини қўллаб-қувватлайди. 

«Шундай ҳаракатлар билан Россия Буюк миллат номига номуносиб ишларга қўл урмоқда ва ўзини халқаро ҳамжамиятдан яккаланиб қолишига рози бўляпти», дейилади «Қрим декларацияси»да.

Эслатиб ўтамиз, бундан аввалроқ, АҚШ президентининг Миллий хавфсизлик масалалари бўйича маслаҳатчиси Жон Болтон Вашингтон яқин бир йил ичида Россия президенти Путинни кутиб олмаслигини маълум қилганди.