НАТО Россияга нисбатан янги стратегия бўйича келиша олмади

НАТО мудофаа вазирлари Совуқ уруш тугаганидан кейин биринчи марта Россия учун янги стратегия бўйича келиша олмади. Вето Туркия томонидан географик фарқлар, жумладан, Кипр билан боғлиқ бўлган жиҳатлар туфайли қўйилди.

Фото: Reuters

Брюсселдаги икки кунлик йиғилишда НАТО мудофаа вазирлари Россияга нисбатан янги стратегия бўйича келиша олмади. 16 июн, жума куни НАТО бош котиби Йенс Столтенберг учрашув иштирокчилари фақатгина “ўз позицияларини бирлаштиришга” муваффақ бўлганини айтди, деб хабар бермоқда Reuters.

Вето Туркия томонидан қўйилган, дея хабар беради агентлик НАТОнинг исми ошкор этилмаган юқори мартабали дипломатига таяниб. Унинг сўзларига кўра, Анқара ҳужжатдан “географик жиҳатлар”, жумладан, Кипр туфайли норози бўлган. Оролнинг шимолий қисми 1974 йилдан бери ўзини “Шимолий Кипр Турк Республикаси” деб атайди, бироқ Туркиядан бошқа ҳеч бир давлат томонидан мустақил мамлакат сифатида тан олинмаган.

Худди шу манбага кўра, АҚШ Туркия ҳали ҳам ўз эътирозларини қайтариб олишига умид қилмоқда, кейин эса янги стратегия июл ойида Вилнюсда бўлиб ўтадиган НАТО саммитида қабул қилиниши мумкин.

Ҳозир муҳокама қилинаётган НАТОнинг Россияга нисбатан янги стратегияси Совуқ уруш тугаганидан бери биринчиси. Шундан сўнг, иттифоқ мамлакатлари ўттиз йил давомида Россияни асосий таҳдид деб ҳисобламади.

Стратегия, Reuters агентлигига кўра, алянснинг Россияга қандай муносабатда бўлишини кўрсатадиган “минглаб саҳифали ҳарбий ҳужжатлар”ни ўз ичига олади.

Тайёрлаган: Отабек Матназаров

#НАТО #Россия