iPhone 6 Plus'ни яхшиланган моделга алмаштиришга ваъда беришди

Фото: Apple RSS

АҚШнинг Apple компанияси iPhone 6 Plus'ни бошқа модель — iPhone 6s Plus смартфонларига бепул алмаштира бошлади. MacRumors шу ҳақида хабар берди.

Таъкидланишича, сервис марказига бирор муаммо билан мурожаат қилинганда шундай хизмат тури кўрсатилади. 2018 йилнинг мартигача батарея алмаштириш жараёнлари ҳам шулар жумласига киради.

Нашр маълумотларига кўра, компания iPhone 6 Plus ва у учун эҳтиёт қисмлар ишлаб чиқаришни тўхтатган. Журналистларнинг тахминича, Apple'нинг смартфонларни алмаштиришга доир қарори фойдаланувчиларнинг аккумуляторларни алмаштириш билан боғлиқ муаммолари сабаб бўлмоқда.

Бундан аввал Apple iPhone 6, 6S ва SE фаолиятини атайин секинлаштираётганини тан олган ва шу тариқа уларнинг хизмат муддатини узайтираётганини таъкидлаган.

Бутун дунё фойдаланувчилари бу хабарга суд иши очиш билан таҳдид қилишган, шундан сўнг корпорация iPhone'нинг эски батареяларини алмаштириш нархини пасайтиришга доир қарор қабул қилган.

Тайёрлаган: Лола Раҳманбаева

#iPhone #Apple #iPhone 6 #6S #SE