Фото: Роналду Бэйл гол урган вақтда, ўзига пенальти берилишини сўради

«Реал» ҳужумчиси Криштиану Роналду «Депортиво»га қарши ўйинда жамоадоши Гарет Бэйл гол урган вақтда унинг голи бекор қилиниб, галисияликлар дарвозаси томон пенальти белгиланишини истади.

Марселонинг рақиб жарима майдонига узатмасидан кейин тўп учун кураш вақтида португалиялик футболчи йиқилди ва арбитрдан вазиятга эътибор қаратишини сўрай бошлади. Аммо ўйин тўхтатилмади ва тўпга эга чиққан Бэйл аниқ зарба бериб, дарвозанинг юқори бурчагига тўпни йўллади.

Тўп «Депортиво» дарвозасига кириб, Бэйл голни нишонлай бошлаганида ҳам Роналду реферидан пенальти талаб қилишда давом этаётганди.

«Реал» – «Депортиво» учрашувини Давид Фернандес Борбалан бошқарди.