Роскомнадзор 3 миллионта IP-адресдан блоклашни олди

Фото: Фото: ТАСС/ Артем Коротаев

Россияда тақиқланган IP-адреслар рўйхатидан Amazon ва OVH SAS тармоқостидан 3 млн IP-адрес чиқарилди. Шу тариқа блоклаб қўйилган IP-адресларнинг умумий сони 18 млн.дан 15 млн.гача камайган.

Роскомнадзор хорижий хостинг-провайдерларнинг учта тармоқостини блоклашдан чиқарганини тасдиқлаган. Роскомнадзор шу тариқа тўғри ишловчи интернет-ресурсларга киришни чеклашдан қочмоқчи.

“Telegram’нинг бу тармоқостилар таркибида бўлган IP-адреслари тўлиқ ўрнатилди ва блокланмоқда. Шу сабабли тармоқостилар блоклашдан чиқарилиши мессенжерга путур етказиш даражасига таъсир қилмайди”, дейилган Роскомнадзорда.

Роскомнадзор худди шу усулни қолган тармоқостиларга қўлламоқчи.

Роскомнадзор 16 апрелдан Россияда Telegram’ни блокламоқда. Мессенжер блоклашни четлаб ўтиш учун мунтазам “манзили”ни ўзгартирмоқда: бунинг учун Amazon Web Services, Google Cloud, Microsoft Azure ва бошқа булутли хизматлар IP-адресларини қўлламоқда. Шундан кейин Роскомнадзор бу провайдерларнинг IP-адресларини оммавий блоклашни бошлаган.

Роскомнадзорда айтилишича, блоклашлар хорижий провайдерлар Telegram’га бўш IP-адресларни тақдим қилишни тўхтатмагунча давом этади. Amazon ва Google ҳозирча Роскомнадзор билан ҳамкорлик қилишни лозим топмаяпти.

Тайёрлаган: Шуҳрат Раҳимов

#Telegram #Роскомнадзор #IP-адрес