Павел Дуров Марказий Осиёга келади

Telegram асосчиси Павел Дуров Дубайда ҳаво жуда исиб кетгани учун бу йил ёзда Марказий Осиёга келмоқчи эканини маълум қилди. У бу ерда одамлар Telegram’дан қандай фойдаланиши ва уларнинг рақамли эҳтиёжларини ўрганишга қарор қилган.

Фото: TuckerCarlson / Youtube

Дубайда яшовчи Дуров Telegram-каналида БААда ҳаво ҳарорати кескин кўтарилиб кетганини билдирган.

“Дўстларим Франциянинг жануби каби замонавий жойларга бормоқда. Франция фуқароси сифатида бу давлатни дам олиш учун энг яхши жой эканига қўшиламан”, дейди у.

Павел Дуров Telegram бош директори сифатида таътилга чиқмаслигини маълум қилган.

“Фойдаланувчиларимиз билан ноодатий жойларда учрашиш орқали иш фаолиятимни давом эттираман”, — деди у.

Дуровга кўра, бу ёзда Марказий Осиёга ташриф буюриб, у ерда ҳаёт қандай экани, одамлар Telegram’дан қандай фойдаланишини ва уларнинг рақамли эҳтиёжларини ўрганишга қарор қилган.

#Telegram #Марказий Осиё #Павел Дуров