Хорватия ва Сербияда ишлаётган ўзбекистонлик фуқаролардан мурожаатлар кўпайган – Миграция агентлиги

Ўзбекистоннинг Венгриядаги элчихонасига кўра , 2025 йилда Хорватия ва Сербияда ишлаётган Ўзбекистон фуқароларидан меҳнат ҳуқуқи масаласида мурожаатлар кўпайган.

Таҳлиллар натижасига кўра инсофсиз иш берувчилар энг кўп содир этган қоидабузарликлар:

иш ҳақининг тўланмаслиги ёки кечиктирилиши;

вақтинчалик яшаш ва ишлаш учун рухсатномалар олишдаги муаммолар;

ҳужжатлар учун асоссиз такрорий йиғимлар;

қўшимча тўлов талаблари ва депортация билан таҳдидлар;

ноқонуний ишлаётган фуқароларни ўйлаб топилган баҳоналар билан тўсатдан ишдан бўшатиш ва кейинчалик ишлаб топилган маблағларни тўлашдан бош тортиш.

Элчихона томонидан фуқаролар ҳуқуқларини ҳимоя қилиш бўйича иш берувчилар ва Хорватия ваколатли органлари билан тегишли чоралар кўрилган.

Агентлик фуқароларга қуйидагиларни тавсия этмоқда:

хорижга ишлаш учун фақат Миграция агентлиги ёки амалдаги лицензияга эга хусусий бандлик агентликлари орқали чиқиш;

лицензияси йўқ шахс ва ташкилотларга пул ўтказмаслик;

ишлаш мақсадида туристик ёки меҳмон визалари билан чиқмаслик;

меҳнат шартномасини имзолашдан олдин уни тўлиқ ўрганиш.

Муаммолар юзага келганда Венгриядаги элчихона консуллик бўлимига мурожаат қилиш: +36 304 362 636.