Қўшимча функционаллар
-
Тунги кўриниш
Жиззахда юқори тезликда ҳаракатланган Lacetti ЙТҲга учраб иккига бўлиниб кетди. Икки киши ҳалок бўлди
Катта тезликда ҳаракатланган ҳайдовчи бошқарувни йўқотган. Машина йўл четидаги дарахтга урилиб, кучли зарба оқибатида иккига бўлиниб, парчаланиб кетган.
Фото: ИИВ ЙҲХББ Ахборот хизмати
Жиззахда юқори тезликда ҳаракатланган Lacetti ҳайдовчиси содир этган йўл-транспорт ҳодисасида икки нафар йўловчи вафот этган, ҳайдовчи ва яна бир йўловчи тан жароҳатлари олган. Бу ҳақда ИИВ ЙҲХБ ахборот хизмати хабар бермоқда.
Ҳодиса 2023 йил 4 январ куни соат 17:30 ларда, 4P-41 "Ғаллаорол-Ўсмат-Бахмал" автомобиль йўлининг Ғаллаорол тумани ҳудудидан ўтувчи 16-километрида содир бўлган.
23 ёшли ҳайдовчи Lacetti машинаси билан Бахмал-Ғаллаорол йўналишида ҳаракатланаётиб, тезликни оширган ва бошқарувни йўқотган. Машина йўлнинг ўнг томонига чиқиб кетиб, дарахтга урилган.
Оқибатда машинада бўлган йўловчилардан бири воқеа жойида, иккинчиси шифохонада вафот этган. Ҳайдовчи ҳамда яна бир йўловчи енгил тан жароҳатлари олган.
Ижтимоий тармоқларда ҳодиса тасвирланган видео тарқалди. Унда машина иккига бўлиниб, парчаланиб кетганини кўриш мумкин.
Қайд этилишича, ҳодиса юзасидан Ғаллаорол тумани ИИБ тергов бўлими томонидан Жиноят кодексининг 266-моддаси 3-қисми "а" банди билан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга оид
10:15 / 13.01.2026
Жиззахда мактабдан қайтаётган ўқувчи пиёдалар йўлагида машина уриб кетиши оқибатида ҳалок бўлди
14:57 / 07.01.2026
“Ёввойи тўнғиз деб ўйлабман” – Жиззахда овчи ўз шеригини отиб қўйди
10:54 / 18.12.2025
Жиззахда иккита юк машинаси тўқнашувида бир киши ҳалок бўлди
13:55 / 11.12.2025