Одам папилломаси вируси ҳақида нималарни билиш зарур? Acıbadem шифохонаси профессоридан муҳим тавсиялар

Одам папилломаси вируси (Human papillomavirus, HPV) терида ва шиллиқ пардаларда жойлашувчи кенг тарқалган вирус гуруҳидир. Улар жинсий алоқа орқали юқади, бироқ у вирусга чалинган органга тегилганда ҳам юқиши мумкин. 200 дан ортиқ HPV турлари мавжуд бўлиб, улардан тахминан 30таси генитал органларни инфекцияга олиб келиши мумкин.

Одам папиллома вируси қанчалик хавфли, мутлақо бачадон саратонига олиб келадими, HPV ни қандай қилиб юқтирмаслик мумкин, агар инфекция танага ўтса, даволаниш мумкинми, бу ва бошқа кўплаб саволлар кўпчиликни қизиқтирган бўлиши мумкин. Қуйида Acıbadem университетининг Атакент шифохонаси онкогинекологи, акушер-гинеколог, профессор Меҳмет Фарук Кесе ушбу саволларга жавоб беради.

HPV қанчалик ноёб ҳисобланади?

HPV жуда кўп тарқалган вирусли инфекциядир. Ҳар 10 та аёлнинг 8 таси инфекцияга чалинади. Вирус кўпинча ўзини намоён қилмайди, организм ўз-ўзидан уни йўқ қилади.

Қандай турдаги HPV патологиянинг ривожланишига олиб келиши мумкин?

Онкоген фаоллигига кўра, HPV хавф даражаси бўйича бўлинади. Саратонга олиб келиши мумкин бўлган 15 турдаги HPV мавжуд.

Шуни таъкидлашни истардимки, ҳеч қандай папиллома танада ўз-ўзидан пайдо бўлмайди, бу HPV туфайли юзага келади. 90% ҳолларда бу паст хавфдаги турлари – 6 ва 11. Юқори хавф турлари – 16 ва 18 бўлиб, улар 70-80% ҳолларда онкологик касалликка сабаб бўлади.

HPV инфекцияси аниқ саратонга олиб келадими?

Вирус яллиғланишни келтириб чиқаради. Саратон касаллиги эҳтимолига келсак, хавф мавжуд. Биринчи навбатда, бу чекувчи аёллар, имуннодепрессант ишлатувчилар, кўп болаларни туғган аёллар, шунингдек, генетик мойиллиги бўлганларга тааллуқлидир.

Юқори хавфли HPV билан касалланган аёллар орасидан учдан бир нафарида саратон ривожланиши мумкин. Касалликнинг дастлабки босқичида ташхис қўйиш учун HPV ва PAP тестларни ўтказиш тавсия этилади.

Вирус қандай қилиб юқиши мумкин?

HPVли бемор томонидан ишлатиладиган нарсаларга тегилганда юқтириш хавфи мавжуд бўлсада, у минимал даражададир. Одатда, у жинсий алоқа орқали ўтади. HPV фаолияти 37 градусда ҳам йўқотмайди.

Эркаклар орасида касалликнинг ташувчилари кўп. Ўтказилган тадқиқотларга кўра, эркакларнинг 85 фоизи никоҳдан олдин жинсий алоқа қилишади. Шу билан бирга, аёллар орасида бу кўрсаткич 10-15 фоизни ташкил этади.

Кучли иммунитет тизими билан организмга тушгандан сўнг вируснинг саратонга айланиши 15 йилдан 20 йилгача давом этиши мумкин. Агар иммунитет заифлашган бўлса ва даволаш амалга оширилмаса, жараён жуда тез кетади ва онкология 5-10 йил ичида пайдо бўлиши мумкин.

Касалликнинг ривожланиш жараёни қандай?

Вирус бачадон бўйни инфекциясини бузади ва асосан ўз-ўзидан йўқоладиган жинсий аъзоларнинг яллиғланишига олиб келади. Бироқ, шифокорга ташриф буюришни талаб қиладиган бир қатор сабаблар мавжуд.

Бачадон бўйни саратони бирдан пайдо бўлмайди, унинг олдида бир нечта прекансерон шартлар мавжуд. SIN1 ва SIN2 босқичларини осонгина даволаш мумкин, SIN3 даволаш учун қийин ҳисобланади, аммо бачадонни тўлиқ олиб ташлаш ўрнига, фақатгина зарарланган тўқималарни олиб ташлаш имконияти мавжуд. Шунинг учун, аёлнинг соғлиғи унинг қанчалик ўз вақтида текширувдан ўтганлигига боғлиқ.

Бачадонни олиб ташлаш касалликдан қутқариб қоладими?

Йўқ, чунки орган олиб ташланса ҳам, вагина ичида яллиғланиш пайдо бўлиши мумкин, чунки HPV танада қолади.

Вакциналар вирусдан ҳимоя қиладими?

Вакциналар HPV билан курашишнинг асосий усулларидан бири. Улар ўзларининг хавфсизлиги ва самарадорлигини тасдиқлайдиган клиник синовлардан ўтдилар. Улар 16 ва 18 HPV турларини келтириб чиқарадиган саратон касаллигига қарши ҳимоя қилишни таъминлайди. Танада бегона моддалар пайдо бўлса, у билан курашиш учун организм ҳимоя воситаларини ишлаб чиқаради.

11-12 ёшдаги болаларни вакциналаштириш тавсия этилади. Стандарт вакциналаштириш – муайян вақт оралиғида навбатма-навбат қўлланиладиган 3 дозадан иборат. Уларнинг самарадорлиги тест билан текширилганида, бу эса такрорий прививка талаб қилинмаслигини, яъни тананинг ишончли ҳимояланганлигини кўрсатди.

Вакциналарнинг акс таъсири борми?

Жиддий бўлганлар йўқ. Вакцинация соҳасида кичик тошма бўлиши мумкин, баъзан эса, прививка енгил оғриқ бериши мумкин, жуда кам ҳолларда бош айланиши билан бирга бўлади.

Ҳомиладор аёлларга вакцинация қилиш мумкинми?

Тавсия этилмайди. Бироқ, агар прививка қилинган бўлса, аборт қилиш учун сабаб йўқ.

Ҳар бир бемор маслаҳат олиш ва Туркияга даволаниш учун жўнаб кетишда Acıbadem шифохоналар тармоғининг Тошкент шаҳридаги ваколатхонасидан маслаҳат олишлари мумкин:

Манзил: Тошкент шаҳри, Мирзо Улуғбек тумани, Буюк Ипак йўли мавзеси, 19 уй

Телефон: +99895 144 54 45

Шунингдек, ушбу расмий сайт орқали ҳам барча маълумотларга эга бўлишингиз мумкин:

www.acibadem.com.ru

Реклама ҳуқуқи асосида