Хитой Нигерияда энг катта гидроэлектростанция қуради

Нигерия ҳукумати Хитой билан бирга мамлакатдаги энг катта гидроэлектростанцияни қуришга келишиб олди. Лойиҳа қиймати 5,8 млрд долларни ташкил қилади, деб хабар бермоқда CNN телеканали. 

Маълум қилинишича, қуввати 3050 МВт га баҳоланаётган бу ГЭС Хитойнинг давлат қурилиш фирмалари консорциуми томондан барпо этилади.

“Мегалойиҳада баландлиги 50 метрдан 150 метргача бўладиган тўртта тўғон бўлади. Уни якунлашга 6 йил керак бўлади”, деб айтган Нигерия энергетика вазири Бабатунде Фашола.

Маълум қилинишича, Хитойнинг Export-Import Bank’и лойиҳанинг 85 фоизини, қолган 15 фоиз қисмини Нигерия молиялаштиради.