Хорижга чиқишни чеклаш қандай миқдордаги қарздорлик учун қўлланилади?

Қонунчиликка кўра айрим ҳолларда чет элга чиқиш чекланиши мумкин. Масалан, агар шахсда суд томонидан юкланган ижро этилмаган мажбуриятлар бўлса — мажбуриятлар ижро этилгунга қадар уни чет элга чиқиши чекланади, деб ёзмоқда “Ҳуқуқий ахборот” канали.

Бунда шуни ҳисобга олиш лозимки, хорижга чиқишни чеклаш фақатгина энг кам иш ҳақининг икки бараваридан ортиқ қарздорлик (368 600 сўм) учун қўлланилади.

Тақиқ бор-йўқлигини эса давлат ижрочиларига расман ёзма равишда мурожаат қилиш орқали билиш мумкин. Шунингдек тақиқларни Мажбурий ижро бюросининг сайти (https://mib.uz/restriction) орқали ҳам текшириб кўриш мумкин (ҳозирда тест режимида ишлаяпти).

Агар шахсга тақиқ қўлланилган бўлса, у қарзларни тўлагандан кейин ижрочидан тақиқ олиб ташланганига аниқлик киритиб олиши мақсадга мувофиқ.