АҚШ давлат котиби зарурат бўлса музокара учун Эронга боради

Фото: AP

АҚШ давлат котиби Майк Помпео зарур бўлса ва шароит тақозо қилса, Теҳронга бориб, музокара ўтказишини билдирди. У Bloomberg агентлигига берган интервьюсида шундай баёнот берди.

«Албатта, зарурат пайдо бўлса, у ерга бажонидил бораман», — деган Помпео.

Аввалроқ, Пентагоннинг янги раҳбари Марк Эспер ҳам АҚШ дастлабки шартларсиз Эрон билан мулоқотга тайёр эканини билдирган эди.

Эслатиб ўтамиз, сўнгги вақтларда Ҳурмуз бўғозида рўй бераётган вазият АҚШ-Эрон муносабатларини кескинлаштирмоқда. Қолаверса, Дональд Трамп ҳокимиятга келгач, Эрон ядро дастурига доир халқаро келишувдан бир томонлама чиққан эди.