«Қишлоқ қурилиш банк» Россия банки билан келишув имзолади

Фото: Қишлоқ қурилиш банк

АТБ «Қишлоқ қурилиш банк» ўз мижозларига хизматлар кўрсатиш имкониятларини кенгайтириш учун хорижий молия-кредит муассасалари, шу жумладан, Россия Федерациясининг тижорат банклари билан икки тарафлама муносабатларни янада ривожлантиришга интилмоқда.

Бинобарин, жорий йилнинг октябрь ойида Россиянинг «АК БАРС» акциядорлик тижорат банки билан Келишув имзоланди. Мазкур келишув доирасида АТБ «Қишлоқ қурилиш банк» савдони молиялаштириш операциялари учун 365 кун муддатгача 3,5 млн. АҚШ доллари миқдорида кредит линиясини очди. Молиялаштириш АТБ «Қишлоқ қурилиш банк» мижозларининг импорт ва экспорт шартномалари бўйича АҚШ доллари, евро ва Россия рублида берилади. Импорт шартномалар бўйича молиялаштириш доирасида экспортчи сифатида россиялик ишлаб чиқарувчилар жалб қилиниши керак.

Хомашёга боғлиқ бўлмаган импорт шартномаларини молиялаштириш зарурати туғилганда, агар «ЭКСАР» АЖ томонидан сиёсий ва кредит таваккалчиликлари суғурталанган бўлса, молиялаштириш миқдори 35 миллион АҚШ долларигача оширилиши мумкин.

Савдони молиялаштиришдан ташқари, яқин кунларда АТБ «Қишлоқ қурилиш банк» билан Россия молия институти ўртасида воситачилик муносабатлари ўрнатилиши ҳам кутилмоқда.

Бундай ҳамкорлик мижозларнинг банк хизматларига бўлган эҳтиёжини янада тўлиқ қондириш, шунингдек, банк даромадини, икки мамлакат ўртасидаги товар айланмаси ҳажмларини ошириш имконини беради.

«Қишлоқ қурилиш банк» - фаровон ҳаётингиз хизматида!

Қўшимча ахборот учун:

Телефонлар: (71) 150-76-39, 150-93-39

Веб-сайт: www.qqb.uz

Telegram: https://t.me/QQBANK

Facebook: FB.com/official.qqb.uz

Реклама ҳуқуқи асосида

#Қишлоқ қурилиш банк