Қайси тоифадаги талабалардан ўқишни тугатгунча гранти олиб қўйилмайди?

Контрактга ўқишга кирган талаба 1 йилдан кейин бюджетга ўтказилиши ёки бюджетда ўқиётгани контрактга тушиб қолиши мумкин.

Қуйидаги ижтимоий ҳимояга муҳтож тоифадаги талабалар истисно тариқасида келтирилган:

– ногиронлиги бўлган шахслар (I ва II гуруҳ ёки болаликдан ногиронлиги борлар);
– ижтимоий етимлар (ота-онаси йўқ ёки ота-она қарамоғисиз қолганлар);
– «Темир дафтар», «Аёллар дафтари», «Ёшлар дафтари» рўйхатларида бўлганлар;
– камбағал оила фарзандлари, ёрдамга муҳтож оила фарзандлари;
– оилавий шароити оғир бўлган талабалар (масалан, ёлғиз онанинг фарзанди, кўп фарзандли оиладан, ишсизлар оиласидан).

Ушбу талабалар агар давлат гранти асосида ўқишга кирган бўлса, ҳатто баҳолари пасайиб кетса ёки академик қарздор бўлса ҳам, гранти ўқишни тўлиқ тугатгунга қадар сақланиб қолади.

2019-2020 ўқув йилидан бошлаб, тўлов-контракт асосида таълим олувчи номли давлат стипендиялари соҳиблари, 1 ва 2-гуруҳ ногиронлиги бўлган, тўлиқ давлат таъминотида бўлган етим болалар ва ота-она қарамоғидан маҳрум бўлган болалар сирасига кирувчи талабаларга стипендия тўловлари республика бюджети маблағлари ҳисобига амалга оширилишини инобатга олиб, уларга тегишли ўқув йили учун контракт қиймати миқдорини стипендиясиз шаклда тўлаш имконияти яратилади.