ЮНЕСКО журналистларга қарши содир этилган жиноятлар чидаб бўлмас даражада жазосиз қолаётгани ҳақида баёнот берди

Ҳар йили 2 ноябрда нишонланадиган, Журналистларга қарши содир этилган жиноятларнинг жазосиз қолишига қарши курашиш халқаро куни арафасида ЮНЕСКО жаҳонда журналистларга қарши жиноятлар чидаб бўлмас даражада жазосиз қолаётганлиги ҳақида хабар тарқатган.

«Журналистларга қарши содир этилган жиноятлар жазосиз қолаётганига асло чидаб бўлмайди: ўнта ишдан фақатгина биттаси судгача етиб бормоқда», — деб ёзилган коммюникеда. Унда қайд этилишича, 2006–2017 йилларда жаҳон бўйлаб мингдан ортиқ журналист ўлдирилган.

Баёнотга кўра, «Журналистларга қарши содир этилган жиноятларнинг жазосиз қолишига қарши курашиш халқаро куни журналистларга улар томонидан хизмат вазифасини бажариш чоғида уларнинг хавфсизлигини таъминлашга, шунингдек, қурбонлари ҳамон кўпинча ОАВ ходимлари бўлаётган жиноятларнинг жазосиз қолиб кетишига қарши курашишга йўналтирилган саъй-ҳаракатлар натижаларини баҳолаш имконини беради.

ЮНЕСКО бош директори Одри Азуленинг баёнотда келтирилган сўзларига кўра,  «жазосиз қолишга қарши кураш — фикрни ифодалаш эркинлиги, матбуот эркинлиги ва ахборот олиш ҳуқуқи тақдим этилишини таъминлаш йўлидаги саъй-ҳаракатларнинг ажралмас қисми бўлиб қолади».

«Бизгача ахборотни етказиш учун ўз ҳаётини хавф остига қўяётган журналистларнинг хавфсизлигини таъминлаш — бизнинг нафақат тўғридан тўғри мажбуриятимиз, шунингдек, бу демократия даъвати ҳамдир», — дея таъкидлаган Азуле хоним.