Кадастр паспортини тайёрлаш муддатлари тўғрисида маълумот берилди

Ҳукумат қарорига кўра, кўчмас мулк объектини кадастр ҳисобига олиш ва кадастр йиғмажилдини шакллантириш натижасида кўчмас мулк объекти бўйича электрон шаклда кадастр паспорти расмийлаштирилади.

Фото: Shutterstock

“Давлат хизматлари янгиликлари” каналида ёзилишича, ариза берувчи кадастр паспортини олиш учун давлат хизматлари марказига ёки ЯИДХП рўйхатдан ўтади.

Кўчмас мулк объектлари турар жойга оид қисми бўйича қуйидаги муддатларда амалга оширилади:

кўп квартирали уйдаги квартира – 3 иш кунигача;
якка тартибдаги турар жой – 5 иш кунигача;

кўчмас мулк объектлари нотурар жойга оид қисми бўйича:

умумий майдони 100 квадрат метргача - 5 иш кунигача;

умумий майдони 100 квадрат метрдан 1000 квадрат метргача - 7 иш кунигача;
умумий майдони 1000 квадрат метрдан 5000 квадрат метргача - 10 иш кунигача;
умумий майдони 5000 квадрат метрдан 15000 квадрат метргача - 15 иш кунигача;
умумий майдони 15000 квадрат метрдан 50000 квадрат метргача - 20 иш кунигача;
умумий майдони 50000 квадрат метрдан ортиқ - 25 иш кунигача.

Кадастр йиғмажилди шакллантирилгандан сўнг кадастр паспортини бериш учун тўлов миқдори қиймати кўрсатилган хабарнома (инвойс) давлат хизматлари марказига ёки ариза берувчига электрон шаклда юборилади.

Ариза берувчи хабарномани олгандан сўнг 1 ой мобайнида тўлов қийматини тўлайди. Кадастр паспортини бериш учун тўлов қийматлари ҳукумат 186-сон қарори билан белгиланади.

Тайёрлаган: Отабек Матназаров

#кадастр #паспорт