UzAuto Motors янгиланган Captiva учун шартномада нархларни ошириш ҳақида ҳеч қандай банд йўқлигини эълон қилди

UzAuto Motors компанияси янгиланган Chevrolet Captiva автомобили учун шартнома тузиш бошлангандан сўнг ижтимоий тармоқларда шартномадаги автомобил нархи ўзгариши мумкинлиги тўғрисида келтирилган банд бўйича расмий муносабат билдирди.

“Келтирилишича, бизнинг компания 2019 йилдаги келишувни бузган ҳолда, яна шартномага етказиб берилган автомобил учун нархнинг ошиши мумкинлиги тўғрисидаги бандни қайта киритган.

Компания шартномада бир томонлама нархларни ошириш ҳақида ҳеч қандай банд йўқлигини расман эълон қилади”, дейилади компания баёнотида.

Қайд этилишича, шартноманинг 2.4 банди ҳозиргидек каби илгари ҳам бўлган. Ушбу бандда қўшимча тўлов фақатгина автомобил комплектацияси ўзгаргандагина амалга оширилиши келтирилган.

“Бундан кўриниб турибдики, хабар муаллифлари ушбу банд, шунингдек, шартноманинг навбатдаги бандлари билан тўлиқ танишишмаган”, дейилади компания томонидан.

Компаниянинг билдиришича, “2.4.1 ва 2.4.3 бандларига кўра, агар комплектация эълон қилингандан фарқ қилса, харидор тўловни қайтариш шарти билан автомобил харидидан воз кечиш ёки уни алмаштириш ҳуқуқига эга”.

Шунингдек, таъкидланишича, 2.4-бand автомобил комплектацияси ўзгариши мумкин бўлган вазиятларда мижоз учун бир нечта таклифларни тақдим этади.

“Ушбу шартномада харидор ҳуқуқлари ҳимояланган ва агар мижоз қўшимча тўлов қилишни хоҳламаса, унда ҳар доим танлов ҳуқуқи бўлиб: у харид қилишдан воз кечиб, пулни қайтариб олиш ёки автомобилни мос келадиган модификацияга алмаштиришни талаб қилиш ҳуқуқига эга”, дея таъкидлаган компания.

Шунингдек, UzAuto Motors шартномага мувофиқ келтирилган компонентларга кўра автомобил нархи ошмаслигини эслатиб ўтган.

Аввалроқ Сaptiva 5 221 млн 691 минг сўмдан 309 млн 900 минг сўмгача нархда сотувга чиқарилиши хабар қилинганди.