Таниқли ҳинд актрисаси Карина Капур ва унинг турмуш ўртоғи Саиф Али Хон янги меҳмон кутишмоқда

Машҳур ҳинд актрисаси Карина Капур ҳомиладор, у декабрь ойида она бўлиши кутилмоқда. Буни унинг турмуш ўртоғи, ҳинд киноюлдузи Саиф Али Хон расман тасдиқлади. Бу ҳақда Indian Express хабар қилди. 

Манбага кўра, жуфтликнинг илк фарзанди декабрь ойида дунё юзини кўради. Уларнинг мухлислари бу янгиликни кўпдан бери орзиқиб кутишганди. Саиф Али Хон ўз мухлисларини уларнинг ҳаққига қилган дуолари учун миннатдорчилик билдирди. 

"Турмуш ўртоғим ва мен сизларга шуни маълум қиламизки, биз илк фарзандимизнинг декабрь ойида дунёга келишини орзиқиб кутмоқдамиз. Бизнинг ҳаққимизга дуо қилган яхши ниятли мухлисларимизга ва бу хабарни сабр билан кутган матбуот вакилларига чин дилдан миннатдорчилик билдирамиз", - деди Саиф. 

Бу Каринанинг биринчи фарзанди, Саифнинг эса учинчи фарзанди бўлади. Унинг аввалги турмушидан икки фарзанди бор (қизи ва ўғли). 

Карина Капур ва Саиф Али Хон 2012 йилда оила қуришган.