Саида Мирзиёева Қатарнинг Ўзбекистондаги элчиси билан учрашди

Ўзбекистон талабалари учун Қатар етакчи университетларида таҳсил олиш бўйича грант ўринларини кўпайтиришга алоҳида эътибор қаратилди.

Фото: Telegram / Саида Мирзиёева

Ўзбекистон президенти ёрдамчиси Саида Мирзиёева Қатарнинг Ўзбекистондаги элчиси Ҳасан Ҳамза Ҳошим билан учрашди.

Мулоқот давомида мамлакатлар ўртасидаги ҳамкорликни янада кенгайтириш, жумладан, таълим ва маданият соҳаларида қўшма лойиҳаларни амалга ошириш истиқболлари муҳокама қилинди.

Хусусан, афғонистонлик қизларни Термиз шаҳрида ўқитиш лойиҳаси, шунингдек, Ўзбекистон талабалари учун Қатарнинг етакчи университетларида таҳсил олиш бўйича грант ўринларини кўпайтириш масалаларига алоҳида эътибор қаратилди.