Шавкат Мирзиёев: Жанубий Кореяда табиий бойликлар йўқ, лекин иқтисод бўйича кучли ўнликка киради

“Ҳозир минглаб ёш оилалар Олмалиқда уй қуриб беришимизни кутиб турибди. Режаларимиз улкан, 10-12 қаватли уйлар қурамиз, ўн минглаб одамларимиз бошпанали бўлишади. Сўзга эътибор беринг – бошпана. Шундай қилайликки бекободлик қариндошларингиз, ҳатто Тошкентдаги танишларингиз Олмалиққа кўчиб келишсин. Чунки Олмалиқда яхши уйлар, чучук сувлар, арзончилик бўлсин ва энг муҳими яхши иш бўлсин. 

Олмалиқдаги табиий бойликларимиз дунё бўйича истиқболли эканлиги биласиз. Мана, мен яқинда Жанубий Кореяга бориб келдим. Уларда биздагидек табиий бойликлар йўқ, лекин иқтисод бўйича кучли ўнликка киради.

Улар биздан сўрашяпти – муҳтарам президент, биз инвестиция киритсак, келажакда неча фоиз яшил иқтисодиётга ўтилади, дейишяпти. Агар биз бу кўрсаткични 25 фоизга чиқарсак, улар жон деб келишади. Биз қазиб олаётган мис дунё бўйича тобора кўп ишлаб чиқарилаётган электромобиллар учун жуда зарур”, – дея давлат раҳбарининг сўзларидан иқтибос келтирмоқда Kun.uz мухбири.

Президент йиғилиш давомида ўзи йўлга қўйган янги йўналиш – ҳоким ёрдамчилари фаолияти қандай йўлга қўйилаётгани билан ҳам қизиқди ва керакли тавсияларини берди.