«Қабул қилингани билан тизимда ҳеч нарса ўзгармайди-ку?» — Адлия вазири ҳуқуқий экспертизадан ўтмаётган ҳужжатлар ҳақида

{Yii::t(}

Ўтказиб юбориш 6s

Ўтказиб юбориш

Адлия вазири қандай сабабларга кўра ушбу қонунчилик ҳужжатлари экспертизадан ўтмасдан қайтаётгани юзасидан изоҳ берди.

«Ҳуқуқий экспертизадан қайтаётганининг биринчи сабаби, амалдаги бошқа қонун ҳужжатларига мос эмаслиги. Яъни жуда ҳам кўп қонун ҳужжатлари қабул қилингани ортидан, олдинги нормаларга эътибор қилмасдан шунга зид нормалар киритиб қўйилади.

Иккинчиси, бу тор доирадаги идоравий манфаатлар. Буни қилишимиз керак, бизга мана бунақа ҳуқуқ керак, рухсатнома киритишимиз керак, бўлмаяпти, лицензия киритишимиз керак.

Учинчиси, қонунчилик техникаси [амал қилинмайди ёки зид].

Тўртинчиси, у ерда коррупциоген омилларнинг бўлиши. Агар улар қабул қилинадиган бўлса, тадбиркорлар ва умуман фуқароларга оғирлик олиб келиши мумкин. Биз уни ижро нуқтайи назаридан кўриб чиқамиз. Шу каби асосий муаммолар.

Бундан ташқари, умумий муаммолар ҳам бор. Масалан, топшириқ бўлади: «Қайсидир соҳада тубдан такомиллаштириш бўйича қарор лойиҳаси қилинсин», дейилади. Кейин сиз қарорни ўқисангиз унинг ичида тубдан такомиллаштириш тўғрисида ҳеч нарса бўлмайди. «Асосий вазифалари этиб булар белгилансин… Кейин мана бунга эътибор қаратилсин» каби. Умуман янгилик бўлмайди. Шу сабабли бу ҳужжатлар қайтиб кетади, ғоя бўлмаганидан кейин биз ўтказа олмаймиз. Бундай ҳужжат қабул қилингани билан тизимда ҳеч нарса ўзгармайди-ку?», дея вазирнинг сўзларини келтирмоқда Kun.uz мухбири.

Давлетов бундай муаммолар остида яхши мутахассислар етишмаслиги ётишини, бундай муаммо бўлмаслиги учун давлат идораларининг жозибадорлиги ошиши кераклигини қайд этиб ўтди.