6та хусусий бандлик агентлигининг лицензияси вақтинча тўхтатилди

6 та хусусий бандлик агентлигининг лицензияси вақтинча тўхтатилди. Бу ҳақда Бандлик ва меҳнат муносабатлари вазирлиги хабар бермоқда.

Фото: Shutterstock

Қайд этилишича, вазирликнинг 2021 йил 7 декабрдаги тегишли қарорлари билан қуйидаги хусусий бандлик агентликларининг лицензиялари 10 кун муддатга вақтинча тўхтатилди:

«Mirai recruitment agency хususiy bandlik agentligi» МЧЖ;
«Reiwa xususiy bandlik agentligi» МЧЖ;
«Turon world cooperation xususiy bandlik agentligi» МЧЖ;
«Priority international xususiy bandlik agentligi» МЧЖ;
«Specialist group xususiy bandlik agentligi» МЧЖ;
«Jyonan-staff Business xususiy bandlik agentligi» МЧЖ.

Вазирлик маълумотига кўра, ушбу хусусий бандлик агентликлари Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармасида БҲМнинг 8500 баравари миқдоридаги маблағларни захира сифатида тўлдирмаган.

Тайёрлаган: Отабек Матназаров

#лицензия #бандлик #агентлик